शिक्षा रो अधिकार।

सरकार ने अजब बणायो शिक्षा रो अधिकार।
टाबरियां न पढावण आला ग गल मां रस्सी दी डार।।

मास्टरां ने स्कूल छोड़ घर-घर जाणो होसी।
नीं पढण आला टाबरियां ने स्कूल ल्याणों होसी।।

मां बाप टाबर न स्कूल भेज या नहीं बा बांरी मरजी।
गुरूजी ने नौकरी बचावण खातर लगाणी होसी अरजी।।

रोल फिरता टाबरां री स्कूल आवण री आस कोनी।
स्कूल मां बैठ्या टाबरां ने पढावण रो प्रयास कोनी।।

विद्या गो मंदिर कुक गै हवाले हो सी।
गुरूजी गलियां गी खाक छाणता रो सी।।