घर में बड़ भेदी.
नित घात करे.
सींग-पूंछ री
ठा कोनी
ऊंची-ऊंची
बात करे.
पकड़ीजे
रंगे हाथा
जद ओला लेवे.
घिर ज्यावे
जद सवाला सू
कुतरका री आड लेवे.
बात बिगडती लागे
जद
खुद तैतीसा मनावे
गुंडा-बदमाशा- कुदसिया
ने मोरचो सम्भ्लावे.
अधकिचरे ग्यान
री गंगा मे
गोता खावे
तिरणो आवे कोनी
बिचाळे ही
लटक ज्यावे.
कलम रा कारीगर
रेया कोनी.
कुडा पळका मारे.
पळका रे झांसा मे
हरेक आखड ज्यावे.
उंच-नीच
सागे रळ
राग-बैराग गावे.
पुरो साच
जाणे कोनी
कूड़ी बठेठी
खावे.
मरया पछे
काम आवे
खान्धिया
ऐ जीवता ही
राखे
खान्धिया!
साभार विनोद सारस्वत
कोई टिप्पणी नहीं:
एक टिप्पणी भेजें